ياعمري الدنيا

((بسم الله الرحمن الرحيم))
هذا شعر مـميز جايبه لكم ,,,النـــــــــــــو فــــــــــي,,,

ياعمري الدنيا ما تسوى تنام وخاطرك زعلان
ولا به شي يستاهل يخلي قلبك يعاني

طلبتك كان لي خاطر تبعد عنك الاحزان
فديت عيونك الحلوه تبسم لو على عشاني

حبيبي صار لي مده اشوفك تايه وحيران
وانا والله لاشفتك حزين تزود احزاني

انا أحبك ولا ودي تعيش بدنيتك ندمان
ترى الايام محسوبه وتالي ذالعمر فاني

تصدق بسمتك والله تفرح خاطري الولهان
يطير من الفرح قلبي واصير بعالم ثاني

ولا من شفتك بضيقه احس اني انا الغلطان
اعاتب نفسي بنفسي ولو ماكنت انا الجاني

غلاك بداخل عروقي ولا يوصل غلاك انسان
يمر الوقت ويثبتلك غلاك ان الله احياني

بضحي بعمري لعيونك تنام انت وانا سهران
وانادي جروحك لقلبي وتجي واحد ورى الثاني

وشكرا
________________________________________
ناطر ردووووووودكم .....

صح لسآآآآن قايلهآآ..

وتسلم ياغلاي..

تسلم حبيبي على المروور

وشكرا